Dentro da programación do programa Divulgando Ciencia Singular, o Centro de Investigación Mariña, CIM-UVigo, organiza a actividade Embárcate co CIM, este sábado 23 de outubro. Durante 3 horas as persoas participantes nesta actividade poderán desfrutar da combinación de diferentes experiencias:

• Traxecto en barco-aula dende o peirao de A Laxe ata a Estación de Ciencias Mariñas de Toralla, do CIM. Durante o percorrido poderán aprender cuestións interesantes sobre a ría de Vigo, descubrir o funcionamento dun robot subacuático e outras experiencias de investigación mariña.
• Chegada a Toralla e visita guiada pola Ecimat da man de persoal investigador do CIM.
• Regreso en barco-aula ao peirao de A Laxe.

As persoas interesadas poden elixir entre as seguintes quendas:

Primeira quenda: 09.00h – 12.00h

Segunda quenda: 12.15h – 15.15h

Terceira quenda: 16.00h – 19.00h

Máis información e inscrición