Dentro do ciclo Docs del mes este xoves se proxecta a partir das 19.00 horas Time Trial do realizador Finlay Prestell. O documental achega ás e aos espectadores ás derradeiras carreiras do ciclista escocés David Millar, que remata a súa vida deportiva coa derradeira toma de contacto co Tour de Francia. Millar, que comprou a súa primeira bicicleta cando tiña 15 anos, sincérase neste documental sobre os claroescuros da súa biografía deportiva, na que tamén xogou un destacado papel na loita en contra da dopaxe, tras ser suspendido por esta práctica no ano 2004.

Prestell, que foi ciclista profesional, é autor de media ducia de curtas e produtor de outros, ademais de gañador dun premio Bafta.