Docs del mes continúa coa proxección de Time trial, documental dirixido Finlay Prestell que achega as últimas carreiras de David Millar, un reputado ciclista escocés que recibiu unha suspensión por dopaxe en 2004, converténdose posteriormente nunha potente voz dentro da loita antidopaxe e volvendo ás competicións como “ciclista limpo”. O documental afonda nos seus últimos días de competición no Tour de Francia, días que servirán ao protagonista para sincerarse consigo mesmo e co público sobre os claroscuros que determinaron a súa biografía deportiva.