A sala II do edificio Miralles acolle a celebración dun encontro entre os provedores do estudante da rexión norte de Portugal e os defensores do sistema universitario galego. A xornada prolongarase ao longo de todo o día e trataranse temas como as necesidades do alumnado do ensino superior e os desafíos colocados ao papel do provedor, prevención e loita contra a exclusión no ensino superior e os principais retos das defensorías universitarias e a súa contribución  á solución do problema da exclusión.