A Sala X acolle unha nova edición da exposición Proxecto Táctil, que reúne unha serie de obras que grazas aos seus relevos, materiais ou texturas, poden ser percibidas a través das mans. Comisariada pola decana en funcións de Belas Artes, Silvia García, a exposición reúne as obras de nove alumnas e ex-alumnas da facultade e poderá ser visitada ata o 12 de xullo na sala de exposicións do campus, onde as e os visitantes disporán de antefaces para realizar o percorrido polos diferentes espazos.