Unha exposición que intenta, a través de datos científicos, desmontar 14 informacións falsas ou interrogantes populares na sociedade. Así se presenta a mostra Sensacionalismos e fake news en bioloxía que desde o día 2 e ata o 15 de decembro está instalada na entrada do edificio Politécnico do campus de Ourense. Nela, as persoas interesadas poden coñecer desde se é malo ou non durmir con plantas na habitación ou se é realmente imposible responder á pregunta de que foi antes, o ovo ou a galiña.