José Antonio Fernández Romero foi un dos grandes referentes nacionais en estudos nórdicos e un moi querido e lembrado docente de lingua española na Facultade de Filoloxía e Tradución da Universidade de Vigo. Trala súa morte en 2011, o profesor legou boa parte da súa colección bibliográfica á Universidade de Vigo. Para poñer en valor tanto a súa figura como este legado, o que foi o seu centro acolle a exposición Última Tule, coa que se rende homenaxe a este pioneiro dos estudos escandinavos en España e Premio Nacional de Tradución en 1996. 

A mostra pode visitarse na biblioteca da Facultade de Filoloxía e Tradución e os volumes están á disposición das e dos usuarios.