A Sala O Abrigo, da Facultade de Belas Artes, acolle a exposición Verse outra vez ao revés tamén funciona, que presenta unha selección das pezas xeradas no marco do curso de extensión universitaria do mesmo nome, desenvolvido nesta facultade e impartido pola artista e docente Iria Vázquez, xunto coa docente e cineasta Xisela Franco. 

Comisariada por Vázquez, a mostra aborda tamén os procesos e dinámicas xerados no marco deste curso, formulado como un espazo de experimentación sobre o carácter performático da creación. Con obras de Patricia Álvarez, Uxía Bustbem, Celeste Garrido, Mónica Lago, Pablo Martínez, Carmela Omil, Paula Romay, Miriam Rodríguez e Jimena Rodríguez, esta exposición poderá visitarse ata o 4 de abril, de luns a venres de 8.00 a 21.00 horas.