Entre o 11 de decembro e o 14 de xaneiro, a Galería de Arte CTJV, do municipio portugués de Monçao, acolle a exposición The year we make contact, que reúne 38 obras nacidas como parte dos traballos de fin de grao defendidos ao longo dos dous últimos cursos na Facultade de Belas Artes. Promovida xunto coa Plataforma Arte e Cultura do Município de Monção e comisariada polas profesoras Sonia Tourón e María Covadonga Barreiro, esta mostra ten como precedente Do final e do comezo 2021: Unha odisea no Pazo, que puido verse o pasado mes de setembro no Pazo da Cultura de Pontevedra.

A exposición pode visitarse de luns a venres, en horario de 14.00 a 18.00 horas.