O Festival de Cine de Montaña e Aventura de Banff, un dos máis importantes do mundo, chega a Vigo, e por primeira vez a Galicia. Foi o Club Peña Trevinca, que co gallo da celebración este ano do seu 75 aniversario, apostou por traer a Vigo este certame audiovisual, no que a gran protagonista é a natureza e as actividades deportivas, pero tamén culturais e sociais. 

Durante algo máis dunha hora, nunha primeira parte do festival, proxectaranse as curtas: Rogue Elements- Corbet’s Couloir; Boy Nomad; For the love of Mary eSafety Third. Na segunda parte, tras unha pausa, e durante algo máis dunha hora seguirán as proxeccións con Choices; Viacruxis (a única cinta española); RJ Ripper; Far Out- Kai Jones e Reel Rock 12 Break on Through.

As entradas poden adquirirse en Ataquilla de Abanca ao prezo de 4 euros.