A sala de exposicións do Pazo da Cultura de Pontevedra acolle o primeiro dos concertos inseridos na programación do sexto Festival Vertixe Sonora de Creación Musical contemporánea. Co patrocinio da Unidade de Igualdade da Universidade de Vigo e no marco do programa Eleusis de visibilización de mulleres compositoras, a formación Neopercusión interpreta, nun concerto titulado Espellos, cintas, berros, almofadas e chuvia, un repertorio integrado por pezas de cinco compositoras novas, Elena Rykova, Edith Alonso, Irene Galindo, Raquel García Tomás e Cecilia Arditto.