O Instituto de Estudos Vigueses, en colaboración coa Universidade e o Concello de Vigo, organiza o Fórum IEV 2019, un ciclo de conferencias que arranca en xaneiro e se prolongará ata o vindeiro mes de decembro.

A primeira conferencia deste ciclo titúlase Arte Megalítico en Galicia: valor e retos e correrá a cargo do profesor da Escola Superior de Conservación e Restauración de Bens Culturais de Galicia Fernando Carrera. Na súa intervención o experto centrarase na arte dos dolmens en Galicia, unha expresión artística aínda moi descoñecida entre a cidadanía. Ademais de sinalar o seu enorme valor patrimonial, Carrera fará tamén suxestións para mellorar a súa protección.