G-Night. Noite galega das persoas investigadoras (Ourense)
Data de celebración:
24 de setembro de 2021 ás 18:00Dirixido a
Entidades Colaboradoras , Estudantes , Medios , PAS , PDI e Público externoOrganiza
Universidade de VigoTipo de evento
Charlas e seminariosEntrada:
De balde. É necesaria reserva.Modalidade
PresencialNo edificio do Campus Auga e El Pueblo Café Cultural
O campus de Ourense únese á celebración en toda Galicia da A G-Night, a Noite europea das persoas investigadoras, que leva por lema Conciencias creativas. A iniciativa encherá as cidades de Vigo, Ourense, Pontevedra, Santiago, A Coruña, Ferrol e Lugo de actividades de divulgación en lugares afastados dos laboratorios, como rúas, museos e bares, nun ambiente festivo.
Dúas son as actividades que se celebrarán en Ourense. A primeira delas, que arrancará ás 18.00 h no edificio do Campus Auga, leva por título Os saberes de Calpurnia. Nela, investigadores e investigadoras de diferentes áreas de coñecemento do campus de Ourense guiarán ás e aos visitantes nun paseo científico para descubrir o "ecosistema" do Campus de Ourense. As e os participantes percorrerán os distintos edificios do campus de Ourense de man de persoal docente e investigador seu, realizarán diferentes retos e rematarán na Biblioteca Rosalía de Castro facendo un mural colaborativo conxunto. A segunda actividade, titulada Ciencia no bar, arrancará ás 20.30 h en El Pueblo Café Cultural (Rúa Hernán Cortés, 26) e consistirá en dúas charlas divulgativas. A primeira, titulada Por Tutatis, o ceo cae sobre as nosas cabezas!, correrá a cargo do físico Juan Antonio Añel e a segunda, titulada Intelixencia ou estupidez artificial, será ofrecida polo enxeñeiro informático Arno Formella.