G-Night en Ourense
Data de celebración:
30 de setembro de 2022 ás 18:00Dirixido a
Entidades Colaboradoras , Estudantes , Medios , PAS , PDI e Público externoOrganiza
Universidade de VigoLugar
Campus As Lagoas, Edificio de Ferro
32004 Ourense
España
Tipo de evento
Charlas e seminariosEntrada:
De balde.Modalidade
PresencialA programación desenvolverase no campus e no Café & Pop Torgal
Ourense súmase coa celebración de varias actividades á segunda edición da Noite Galega das Persoas Investigadoras (G-Night), organizadas e desenvolvidas por preto de medio millar de investigadoras e investigadores, así como por persoal técnico. A primeira delas, titulada Ser escriba na Antigüidade: xeroglífico, micénico e latín, consistirá en tres obradoiros sobre tres escrituras da Antigüidade, organizados a partir das 18.00 h no campus por persoal investigador do Grupo de Estudos de Arqueoloxía, Antigüidade e Territorio (GEAAT) da Universidade de Vigo. A segunda das actividades, Ciencia no bar, desenvolverase a partir das 20.30 h no Café & Pop Torgal e consitirá en tres charlas distendidas sobre o traballo social en relación a temas como a familia, a discapacidade e dependencia e o ámbito dixital e serán ofrecidas por membros do Grupo de Estudos en Traballo Social: Investigación e Transferencia da UVigo.
Coordinada pola UVigo, que lidera un consorcio formado por unha decena de socios, entre os que se atopan as universidades de Santiago de Compostela e A Coruña e organismos de investigación galegos, a G-Night 2022 despregará na segunda segunda edición, o vindeiro venres, 30 de setembro, máis de 70 actividades de divulgación, lecer e entretemento científico, nunha trintena de localizacións, espalladas polas sete principais cidades galegas: Vigo, Ourense, Pontevedra, Santiago, A Coruña, Ferrol e Lugo.