Asisten: Íñigo Cuiñas, director da Escola de Enxeñaría de Telecomunicación; Jaime Aneiros, concelleiro de Orzamentos e Facenda do Concello de Vigo, e Manuel Sobreira, responsable do comité organizador

Amosar as potencialidades da enxeñaría acústica como ferramenta de análise e mellora en distintos ámbitos da industria do automóbil, a aeronáutica e a enerxía. Esta é a idea coa que atlanTTic, o centro de investigación en Tecnoloxías de Telecomunicación da Universidade de Vigo, lanza as I Xornadas en Acústica Avanzada para Aplicacións Industriais, cita que se levará a cabo o 19 e 20 xuño no salón de graos da Escola de Enxeñaría de Telecomunicación e que atraerá a persoas con diversos intereses e iniciativas que porán a Vigo na órbita dos últimos avances desta industria.