Asisten: Jorge Soto, vicerreitor do campus de Pontevedra; Miguel Ángel Piñón, director da Escola Universitaria de Enfermaría; Paz Diéguez, subdirectora da Escola Universitaria de Enfermaría; Francisca Fariña e Pascual Ortuño, coordinadores do Libro Blanco para a xestión posititva da ruptura de parellas con fillos

A Escola Universitaria de Enfermaría de Pontevedra acolle a segunda Xornada do Libro Blanco para a xestión da ruptura de parellas con fillos, unha sesión de traballo coordinada pola catedrática Francisca Fariña dirixida a debater os contidos deste manual de referencia no que participan diferentes especialistas do ámbito académico e xudicial. Preto de 20 expertos e expertas participan nesta xornada de traballo organizada polo grupo PS1, que se verá sucedida, ás 17.00 horas, por unha mesa redonda aberta ao público sobre a ruptura de parella.