A Sala X acolle a inauguración da exposición Proxecto táctil. Probas e texturas, que reúne unha serie de obras ideadas para ser percibidas a través do tacto. Nesta nova edición dun proxecto comisariado pola decana da facultade, Silvia García, participan un total de 13 artistas, cos que se articula un percorrido pola sala de exposicións da Vicerreitoría do campus, guiado por pegatinas pegadas no chan, que permitirán aos visitantes ir pasando por distintas mesas, peanas e paredes nas que tocar as pezas penduradas.