Preto de 150 expertos e profesionais participan o 30 de setembro e 1 de outubro na Facultade de Ciencias Sociais e da Comunicación no I Congreso Internacional sobre Debates Electorais Televisados e Novas Formas de Comunicación Política, promovido polo grupo de investigación CP2 no marco do proxecto de investigación DebaTv, financiado polo Ministerio de Ciencia, Innovación e Universidades. Baixo o título de Os debates electorais a debate, o congreso busca xerar unha discusión sobre o modelo de debates electorais televisados, marcado nos últimos anos polos cambios que supuxeron a irrupción do bipartidismo e das segundas pantallas.

Tralo acto inaugural, o congreso abrirase coa conferencia Debates electorais nos Estados Unidos de América, a cargo do investigador da Northeastern University de Boston Alan Schroeder.