Asisten: Jorge Soto, vicerreitor do campus de Pontevedra, Anxos Riveiro, concelleira de Deportes, e Ángel Torés, presidente da Anecafyde 

Representantes do alumnado do grao en Ciencias da Actividade Física e do Deporte de diferentes universidades españolas reúnense, ata o domingo 31 de marzo, no campus pontevedrés, sede da XVIII asemblea xeral da Anecafyde (Asamblea Nacional de Estudiantes de Ciencias de la Actividad Física y del Deporte).

Tralo acto de apertura, na sede da Vicerreitoría do campus, a asemblea traslada a súa actividade á Facultade de Ciencias da Educación e do Deporte, onde se desenvolverán, entre este xoves e este sábado, diferentes talleres, reunións e grupos de traballo, organizados pola Delegación de Estudantes da facultade.

A estas actividades, dirixidas aos preto de 60 asemblearios e asemblearias participantes, súmase nesta primeira xornada, unha mesa de debate, ás 18.00 horas, sobre o futuro da titulación de Ciencias da Actividade Física e do Deporte, na que participarán Luis Cereijo, profesor da Universidad de Alcalá, e Rafael Martín Acero, docente da Universidad da Coruña, aberta a todo o público interesado.