Asisten: Manuel Reigosa, reitor da Universidade de Vigo; Susana López Abella, secretaria xeral de Igualdade da Xunta de Galicia, e Jesús Vázquez, alcalde de Ourense

O campus de Ourense acolle a investidura como doutora honoris causa pola Universidade de Vigo de Jacquelyn C. Campbell, experta en violencia de xénero da Universidade Johns Hopkins, de Estados Unidos. Ela converterase na cuarta muller a na vixésimo oitava persoa en recibir esta distinción por parte da institución académica. O acto celebrarase en Ourense porque a súa proposta de nomeamento foi impulsada desde este campus polo Departamento de Análise e Intervención Psicosocioeducativa da Universidade de Vigo, concretamente pola súa profesora María Lameiras. A investidura arrancará ás 18.50 desde o Pavillón I do campus, percorrendo a homenaxeada e autoridades presentes o Paseo da Igualdade deste campus ata o Edificio Politécnico acompañados pola Real Banda de Gaitas de Ourense. O público contará con tradución simultánea do discurso da homenaxeada.