O Pavillón Universitario acolle a décimo oitava edición do Maratón de Zumba Solidario, que a Área de Benestar, Saúde e Deporte da Universidade de Vigo e a Vicerreitoría do campus organizan co propósito de contribuír ao labor social que desenvolve o comedor dos Pais Franciscanos de Pontevedra. Promovida coa colaboración de Gadis e Coca-Cola, trátase dunha actividade aberta a toda a cidadanía, á que se lle solicita que achegue un quilo de alimentos non perecedoiros a modo de inscrición.