A sede da Vicerretoría do campus acolle unha mesa de debate sobre os resultados das diferentes eleccións celebradas nas últimas semanas, que, baixo o título de O intenso ciclo electoral de 2019, a Universidade organiza xunto co Ateneo de Pontevedra. A mesa que contará coa participación dos investigadores da Área de Ciencia Política e da Administración-Observatorio da Gobernanza G3 Álvaro Xosé López Mira, Enrique Varela, Constantino Cordal e Fernando Martínez, coa tamén investigadora da área Rosa Ricoy como moderadora.