O dúo cómico Mofa e Befa chega ao Teatro da Cidade Universitaria coa obra Cranios privilexiados ou crítica da razón perralleira dentro da programación cultural do primeiro cuadrimestre da Universidade de Vigo. Desta volta, Josito Porto e Víctor Mosqueira somerxerán ás e aos espectadores no diálogo filosófico, fornecendo toda unha galería de personaxes susceptibles de ser conxurados sobre o palco, desde históricos pensadores como Sócrates, Pitágoras ou Kant, ata outros totalmente descoñecidos como Polemón. A obra, que foi estreada no FITO en 2017, foi escrita por Pepe Sendón e Carlos Santiago.

A entrada é de balde ata completar aforamento.