A Escola Superior de Enxeñaría Informática do campus de Ourense acolle a Oracle4Girls Ourense. Trátase dunha iniciativa de Oracle que nace en 2017 co obxectivo de inspirar ás mozas para estudar carreiras de ciencias e tecnoloxía, o que se coñece por STEM (Science, Tecnhnology, Engineering and Mathematics). Con diferentes sesións para nenas de entre 4 e 16 anos desenvólvense, en modo lúdico, talleres baseados en robótica, programación, impresión 3D e en diferentes áreas tecnolóxicas. A iniciativa xa visitou cidades como Madrid, Barcelona, Valencia, Málaga ou Bilbao e nesta ocasión celébrase en Ourense, o sábado 11 de febreiro, coincidindo co Día Internacional da Muller e a Nena na Ciencia.