A sede da Vicerreitoría acolle un relatorio no que o subdirector do Festival Internacional de Curtametraxes FIC Bueu Severiano Casalderrey, presentará o Caderno FICBUEU#1: a Nouvelle Vague a través das súas curtametraxes, xurdido da retrospectiva que o festival dedicou en 2019 a este corrente cinematográfica francesa. Cun aforo limitado a 15 persoas, por mor das restricións ás que obriga a covid-19, o acto completarase coa proxección do filme Les veuves de 15 ans (1965), de Jean Rouch.