Participan: Susy Delgado, poeta e tradutora de Follas Novas ao guaraní; Iolanda Galanes, profesora do Departamento de Tradución e Lingüística da Universidade de Vigo, autora do prólogo e moderadora do acto; Anxo Angueira, presidente da Fundación Rosalía de Castro; Cayetano Quattrocchi, da editorial Arandurã; Fernando Fajardo, do Centro Cultural de España Juan de Salazar, e Delicia Villagra, da Academia da Lingua Guaraní.

Presentación da antoloxía bilingüe guaraní-galego Rosalía ñe’ë poravopyre (Escolma poética de Rosalía), unha selección poética de Follas Novas de Rosalía de Castro, matriarca das letras galegas, con traducións en guaraní da tamén poeta Susy Delgado. A edición do libro conta co apoio do Centro Cultural de España Juan de Salazar e foi publicada pola Editorial Arandurä. A publicación conta tamén cos auspicios da Universidade de Vigo e a Fundación Rosalía de Castro.

O acto pode seguirse en directo a través de UVigoTV.