Asisten: Mónica Valderrama, vicerreitora de Comunicación e Relacións Institucionais; Daniel Rey, director do Campus do Mar e do Centro de Investigación Mariña e persoal invsetigador do CIM participante no proxecto xunto coa ilustradora, Inés Vázquez

O Campus do Mar presenta Ocean literacy, o segundo proxecto da iniciativa Scientists meet Artists onde se dá vida a sete ilustracións que recompilan cada un dos sete principios esenciais da cultura oceánica ou alfabetización mariña, inspiradas e explicadas por tres científicas e cinco científicos. Trátase dunha serie de recursos didácticos accesible libremente para a poboación que busca cubrir a falta de materias relacionadas cos océanos no ámbito da educación formal. É o resultado do encontro entre persoal investigador do Centro de Investigación Mariña da Universidade de Vigo e do Centro Oceanográfico da Coruña, coa ilustradora Inés Vázquez.

O acto tamén se poderá seguir en director a través da canle 1 de UVigoTV.