O encontro de emprendemento Pont-Up Store, unha iniciativa liderada polo Campus Crea da Universidade de Vigo co apoio do Concello de Pontevedra como patrocinador principal, desenvolve unha xira de presentación polas principais cidades galegas dirixida a dar a coñecer a quinta edición deste encontro, que terá lugar do 20 ao 22 de setembro en Pontevedra, así como as súas modalidades de participación. 

Nesta xornada, o Pont-Up Store será presentado no campus de Ourense nun acto no que o seu dierctor, Pedro Figueroa, estará acompañado por Esther de Blas, vicerreitora do campus de Ourense; Martiño Xose Vázquez, de Xeitura; Nuria Sotelo, de Profocus, e Eva González, de Veigas do Sabugueiro SL.