Dentro do ciclo Cine e Lingua, o edificio Cambón acolle o filme do cineasta Jordan Peele Get Out. A película, proxectada en versión orixinal en inglés con subtítulos en español conta a historia de Chris, un mozo afroamericano que visita a familia da súa prometida branca e que se atopa con sucesos inquietantes que o levan a descubrir unha realidade inimaxinable. 

Esta é a segunda película do ciclo de Cine e lingua, que continuará durante todo o mes de novembro e decembro dentro do marco da programación cultural organizada pola Universidade de Vigo. 

A entrada é de balde ata completar aforamento.