Rolda de prensa de presentación das actividades da Noite Galega das Persoas Investigadoras (G-Night 2022)
Data de celebración:
26 de setembro de 2022 ás 12:30Dirixido a
MediosOrganiza
Universidade de VigoLugar
Praza do Berbés, 11
36202 Vigo
España
Tipo de evento
Rolda de prensa - PresentaciónEntrada:
De baldeModalidade
PresencialNo edificio Redeiras
Asisten: Mónica Valderrama, vicerreitora de Comunicación e relacións institucionais e Belén Rubio, vicerreitora de Investigación, transferencia e innovación
Presentación das actividades que, co gallo da celebración o vindeiro venres 30 de setembro da Noite Galega das Persoas Investigadoras (G-Night 2022), se desenvolverán, por segundo ano consecutivo, nas principais cidades galegas.
Coordinada pola UVigo, que lidera un consorcio formado por unha decena de socios, a G-Night encherá as rúas, museos e bares das cidades de Vigo, Pontevedra, Ourense, Santiago, A Coruña, Ferrol e Lugo de decenas de actividades de divulgación que amosarán o traballo das e dos científicos dun xeito lúdico e accesible a público de todas as idades.
A Noite Galega das Persoas Investigadoras celebrarase coa creatividade e a súa relación co coñecemento científico como eixo central e baixo o lema Conciencias creativas.