Unha ruta para gozar “do outono en estado puro” e para coñecer o Camiño Miñoto Ribeiro a Santiago de Compostela. Así se presenta a segunda andaina universitaria que este curso académico se organiza no marco da programación de rutas culturais da Área de Benestar, Saúde e Deporte da Universidade de Vigo. Cunha dificultade baixa-media e 16 quilómetros de percorrido, o itinerario que se realizará será Museo do Viño de Galicia, en Ribadavia; balneario de Berán; ermida de San Roque; Lebosende; Pazos de Arenteiro e Adega Señorío de Beade.