A derradeira sesión ordinaria de Consello de Goberno está prevista para as 09.30 h, en primeira convocatoria, e para ás 10.00 h, en segunda, e nela abordarase unha orde do día con 16 puntos. Na sesión, que se celebrará na sala de xunta do edificio Ernestina Otero (antiga Reitoría), procederase a aprobar o proxecto de orzamentos para o exercicio orzamentario de 2019 por un importe 182,5 millóns de euros, así como o teito de gasto para ese mesmo período.

Outro dos puntos da orde do día é a aprobación da Oferta de Emprego Público para o PAS para o ano 2018.