A sede da Vicerreitoría do campus acolle a última representación da obra de teatro do proxecto do proxecto Desafógate. Unha aventura acuática, que o grupo de investigación Remoss, da Facultade de Ciencias da Educación e do Deporte, promove no marco do plan Corresponsables.

Trátase dunha actividade con inscrición previa, dirixida a nenos e nenas de entre 4 e 8 anos e aos seus proxenitores, que busca fomentar a prevención do afogamento infantil e as condutas seguras no medio acuático. Faino a través dunha obra de teatro dirixida e interpretada pola actriz e contadora Raquel Queizás, complementada por un taller para aprender a realizar as manobras de reanimación cardiopulmonar.

A actividade conta con entrada gratuíta, previa inscrición na web do proxecto.