O Cinbio, o Centro de Investigación en Nanomateriais e Biomedicina da Universidade de Vigo, organiza esta fin de semana o festival científico CinVigo, unha iniciativa que busca achegar a ciencia que día a día se fai neste centro ás prazas e rúas da cidade, convertendo a Porta do Sol nun auténtico laboratorio científico do que poida ser partícipe toda a cidadanía. Baixo o lema Ciencia na rúa, o público asistente pode coñecer de preto diferentes proxectos científicos, pero tamén participar activamente en retos, concursos ou actividades divulgativas como a xincana e os obradoiros, estes últimos especialmente deseñados para público infantil. 

Programa:

11.00h    Apertura da feira científica

11.00h   Saída xincana CinVigo Holmes   

12.30h   Visita inaugural: Abel Caballero, alcalde de Vigo; Ana Ortiz, delegada Territorial da Xunta de Galicia en Vigo; Miguel Correa, director do CINBIO; Diana Valverde, subdirectora do CINBIO; Carlos Nieto, xefe de División de Desenvolvementos de Explotación

13.30h   Entrega dos premios xincana CinVigo Holmes   

16.30h   Minuto de ouro: proxectos ao escenario!     

18.00h   Minuto de ouro: proxectos ao escenario!    

19.00h   Peche stands    

19.00h   Espectáculo Cienceando