Asisten: Manuel Reigosa, reitor da Universidade de Vigo; Carmela Silva, presidenta da Deputación de Pontevedra 

Sinatura do convenio de colaboración entre a Universidade de Vigo e a Deputación de Pontevedra para o desenvolvemento dunha nova edición da Cátedra de Feminismos 4.0. A cátedra, que botou a andar en 2019, ten como finalidade a promoción da igualdade, a non discriminación e a accesibilidade universal das mulleres no ámbito das actuais sociedades da información, a promoción e impulso de actividades de investigación e innovación feminista en todos os ámbitos de coñecemento. En concreto, as actividades que se enmarcan nesta cátedra teñen un dobre obxectivo: evitar que no espazo dixital se reproduza e amplifique a desigualdade de xénero que persiste na sociedade e incrementar a presenza feminina nas áreas científico-tecnolóxicas.

Debido á situación sanitaria ante a covid-19, os medios de comunicación e persoas interesadas poderán seguir o acto en directo a través da páxina da Deputación, no seguinte enlace: 

https://www.depo.gal/-/directo-presentacion-da-terceira-edicion-da-catedra-de-feminismos-4-0