A Vicerreitoría do campus acolle a inauguración do VI congreso internacional Fugas e Interferencias, o único evento académico centrado na performance que se desenvolve en España, que combina no seu programa conferencias, mesas de presentación de estudos e performances.

Esta VI International Performance Art Conference desenvolverase entre o 30 de setembro e o 2 de outubro na Vicerreitoría do campus e no Centro Galego de Arte Contemporánea (CGAC), en Santiago. Tras o acto inaugural terá lugar a presentación do programa da súa sexta edición e, ás 11.00 horas, a primeira das súas mesas de comunicacións, titulada A arte e as súas interseccións. 

Rematada esta, ás 12.30 horas, desenvolverase, na praza situada diante da Vicerreitoría, a performance Abstinencia, a cargo das estudantes de Belas Artes Andrea Dunia Díaz e Xiana Santiago Couce.

Programa do congreso