Ao abeiro da celebración de San Alberte 2018, patrón das facultades de Bioloxía, Ciencias do Mar e Química, o edificio de Ciencias Experimentais acolle a VI Exposición de Cogomelos, actividade coordinada pola profesora Marisa Castro, directora do Laboratorio de Micoloxía da Universidade, e na que se amosan as diferentes pezas recollidas polo alumnado da Facultade de Bioloxía en diferentes puntos da xeografía galega e que dan mostra da riqueza micolóxica deste lugar.