Asisten: Belén Rubio, vicerreitora de Investigación da Universidade de Vigo; Jesús Míguez, decano da Facultade de Bioloxía; Miguel Ángel Rodríguez, coordinador do Máster en Neurociencia e Manuel Ángel Pombal, presidente do comité organizador

60 investigadoras e investigadores novos no ámbito da neurociencia galega participan nas XIV Xornadas para investigadores novos en Neurociencia que se desenvolven ao abeiro do Mestrado Interuniversitario de Neurociencia. O congreso, no que se exporán traballos de investigación nos ámbitos da psiquiatría e neurobioloxía médica; a neuroanatomía; a psicobioloxía; a neurofisioloxía e a neuroquímica e neurociencia computacional, comezará cun relatorio inaugural a cargo de Javier Cudeiro, investigador do Grupo de Neurociencia e Control Motor y Centro de Estimulación Cerebral de Galicia da UDC, titulado Leccións desde o sistema visual para entender (e axudar) ao cerebro.