A sala de conferencias da Casa das Campás acolle unha mesa de análise sobre os resultados das eleccións municipais e autonómicas do 28 de maio, promovida pola Delegación do Alumnado de Dirección e Xestión Pública, xunto coa facultade. 

Titulada O 28-M. Unha análise científico-política, esta xornada súmase ás mesas de análise que o profesorado desta facultade leva anos promovendo para analizar os resultados de diferentes comicios. Mais nesta ocasión, é o alumnado o que asume esta análise, nunha mesa na que participan os estudantes Alejandro Virgós, Alejandro Guzmán, Beatriz Felpeto, Pablo Abelleira e Víctor Méndez, xunto co profesor da Área de Ciencia Política e da Administración Fernando Martínez Arribas, que exerce como moderador.