As Xornadas de benvida do curso 2024-2025 continúan este xoves 5 de setembro no campus de Pontevedra. Esta actividade desenvolverase na Escola de Enxeñaría Forestal, entre as 10.00 e as 13.00 horas, e nela o alumnado de novo ingreso poderá recibir información sobre cuestións como bolsas, mobilidade, deporte, asociacionismo, igualdade, aloxamento, etc.

Ao longo de toda a xornada tamén haberá música, agasallos e moito máis.