A agrupación Ecobas (Economics and Business Administration for Society) organiza a xornada A ciencia ten nome de muller: a investigación en economía e empresa, un evento que terá lugar cunha modalidade presencial e outra virtual. 

O evento estará conducido por Manuel Vicente, director e presentador do programa Efervesciencia, da Radio Galega.

17.00-17.10.h. Benvida a cargo de Águeda Gómez, directora da Unidade de Igualdade da Universidade de Vigo
17.10-17.45h. Conversa coas investigadoras. Manuel Vicente afonda nas liñas e proxectos de cada unha
17.45-18.15h. Debate aberto e preguntas da audiencia
18.15-18.30h. Peche e sorpresa final

Para a asistencia presencial será imprescindible inscrición previa, enviando un correo electrónico a ecobas@uvigo.es indicando nome, apelidos e teléfono móbil. O aforo será limitado, e as prazas asignaranse por orde de inscrición. Poderase asistir tamén de maneira virtual a través de UVigo TV, seguindo este enlace (asistencia libre)