O grupo de innovación sobre reducción dos custos de tratamentos silvícolas a partir da revalorización da biomasa forestal residual extraída dos mesmos Biofore, que coordina a empresa Letme Soluciones e do que forma parte a Escola de Enxeñaría Forestal, celebra unha xornada formativa en Pazos de Borbén.

A actividade ábrese ás 10.00 horas cunha presentación do proxecto na que participan Érika Martínez, directora de Letme Soluciones e coordinadora do grupo de innovación Biofore; Luis Ortiz, catedrático da Universidade de Vigo; Juan Castro, enxeñeiro do Centro de Investigacións Agrarias de Mabegondo; Bárbara Álvarez, do departamento técnico de Ecocelta Galicia, e Jesús Martínez, xerente de Sistemas de Desarrollo Integral del Territorio.

Esta xornada formativa verase complementada, a partir das 11.30 horas, por unha visita de campo no monte Ermida, de Pazos de Borbén, na que se realizará unha demostración práctica da unidade empacadora fixteri.