A profesora da Facultade de Ciencias da Educación e do Deporte Rut Martínez e o grupo de investigación Gies10 promoven, co patrocinio da Unidade de Igualdade, a xornada Prácticas para a creatividade desde a perspectiva de xénero, dirixida a achegar ao alumnado unha serie de experiencias e prácticas creativas para enfocar a actividade docente desde unha perspectiva de xénero. 

Xunto coa súa presentación, a primeira sesión desta actividade inclúe os relatorios O teatro como ferramenta para o desenvolvemento da igualdade na aula, da investigadora e profesora da UNIR Sara Fernández Aguayo, e La música como herramienta interdisciplinar educar en igualdad, a cargo da profesora da Universidade de Santiago de Compostela Sara Domínguez Lloria.

Aberto ao público, este ciclo de conferencias poderá seguirse de xeito virtual, a través do Campus Remoto da Universidade de Vigo, accedendo ao salón de graos virtual da facultade e empregando o contrasinal X4TnvpPg no acceso para estudantado.