A Facultade de Ciencias Sociais e da Comunicación acolle unha nova sesión da Xornada de prevención e sensibilización sobre violencia sexual na mocidade que a Secretaría Xeral de Igualdade da Xunta de Galicia e as tres Unidades de Igualdade do Sistema Universitario de Galicia organiza nos diferentes campus. 

A xornada abrirase co relatorio A violencia de xénero como construción social contra as mulleres. Como lograr o cambio social?, a cargo da profesora de Socioloxía do Xénero da Universidade da Coruña Belén Fernández, trala que o profesor de Socioloxía da Universidade de Santiago e Compostela Jorge García ofrecerá a conferencia A performance da masculinidade hexemónica: aprendendo a manter os privilexios. A xornada contará así mesmo coa da investigadora predoutoral da Universidade de Vigo Rosana Martínez, quen presentará o estudo Acoso sexual e por razón de sexo no ámbito académico; e da catedrática de Filosofía Carme Adán, que pechará a xornada coa conferencia Podemos previr a violencia de xénero sen vitimizar as mozas?