O pavillón do campus de Vigo acolle as Xornadas deportivas de benvida para a comunidade universitaria, unha gran festa na que non faltarán a música e os xogos populares. Será de 13.00 a 15.00 horas con entrada libre.

Organizadas de maneira conxunta polas tres delegacións de estudantes de Ciencias Experimentais (Bioloxía, Ciencias do Mar e Química) co apoio da Área de Benestar, Saúde e Deporte e a Fundación Denis Suárez, a idea é que esta xornada sirva de punto de encontro entre alumnado, PDI e PAS das diferentes escolas e facultades. Previa a esta festa o mércores 25 terán lugar diferentes competicións de equipos mixtos de baloncesto 3X3, fútbol 7, tenis de mesa e voleibol.