Dentro do programa da Semana da Creatividade e da Innovación, a Escola de Enxeñaría Forestal acolle entre o luns 8 e o mércores 10, as Xornadas Forestais 2019, un ciclo de conferencias e coloquios promovido pola Delegación de Estudantes do centro. 14 conferencias, coloquios e talleres integran a programación destas xornadas, que na xornada do luns abordan diferentes temáticas relacionadas coas industrias forestais, o martes céntranse na ecoloxía e o mércores nos aproveitamentos forestais.