A programación da XVI Mostra Internacional de Teatro Universitario (Miteu) de Pontevedra continúa coa representación da obra Ludovico 2.5, do grupo Maricastaña, das aulas teatrais do campus de Ourense. Con dramaturxia e dirección de Fernando Dacosta, trátase dunha obra inspirada libremente na novela A laranxa mecánica de Anthony Burguess, que se presenta como unha sátira social e unha proposta ao redor da violencia.