A XXI Miteu continúa en Vigo coa obra da Escola Superior de Arte Dramática de Galicia. PARA. ELA. é unha dramaturxia da docente María Francelina elaborada con fins pedagóxicos a partir dos textos En estado de espera de Santy Portela; Fedra, versión Paco Portela; Fedra de Eurípides; El alcalde de Zalamea de Calderón de la Barca; Para de Samuel Kiró e Dear Dad de Care Norway.

A obra é unha peza sobre o acoso e a violencia, noutra sociedade e con outra educación, que pretende xerar outro debate sobre a nosa realidade actual, facendo partícipe ás e aos espectadores, hoxe xuíces, e invitándoos a reflexionar dun xeito multifocal. 

A entrada é gratuíta ata completar o aforo do teatro.