A XXX Mostra Internacional de Teatro Universitario de Ourense (Miteu) continúa este venres coa representación de Shock, obra da Aula Universitaria de Ourense Cordelia. Este ano a Miteu desenvolverase do 23 de abril ao 10 de maio e nela a Universidade de Vigo volve ter un papel destacado, non só como unha das entidades que financia senón tamén coa participación das súas aulas teatrais e de danza.