DUVI

Diario da Universidade de Vigo

A cita arrancará nas pitas de atletismo do campus

250 persoas participarán o domingo no I Trail e Andaina Solidaria Camiñando polo Dano Cerebral

O diñeiro recadado terá un fin solidario

Etiquetas
  • Estudantes
  • Medios
  • PAS
  • PDI
  • Público externo
  • Ourense
  • Deportes
  • Deportes
DUVI Ourense 10/09/2021

250 persoas participarán este domingo 12 de setembro no I Trail e Andaina Solidaria Camiñando polo Dano Cerebral, que terá saída e meta nas pistas de atletismo do campus de Ourense. As dúas actividades desenvolverase por sendeiros e camiños do Concello de Ourense e de O Pereiro de Aguiar e o diñeiro recadado terá un fin solidario.

A actividade está organizada pola Delegación en Ourense da Federación Galega de Atletismo; o Consello Municipal de Deportes do Concello de Ourense; o Concello de O Pereiro de Aguiar e a Deputación de Ourense-Inorde, contando co patrocinio do campus de Ourense da Universidade de Vigo; da Xunta de Galicia (Xacobeo 21/22) e de Runmaniak. A cita desenvolverase partir das 09:30 h do domingo, arrancando e rematando nas pista de atletismo universitarias. O trail, no que están inscritas 150 persoas maiores de 18 anos tanto federadas como non, terá unha distancia de 14 quilómetro. A andaina, na que participarán arredor dun centenar de persoas maiores de 16 anos, terá unha distancia de nove quilómetros.

O custe da inscrición, que foi de dez euros para o trail e cinco para a andaina, será destinado aos fins da Federación Galega de Dano Cerebral, habilitándose tamén un dorsal 0 para as persoas que quixeran realizar doazóns e colaborar nesta iniciativa aínda que non participen nela.